Flensan gerir vart við sig á Suðurnesjum

Flensa hefur verið að gera vart við sig á Suðurnesjum síðustu tvær vikurnar. Nokkuð hár hiti hefur einkennt flensuna og áberandi asmakennd einkenni með berkjubólgu. Læknir á Heilbrigðisstofnun Suðurnesja sem Víkurfréttir ræddu við nú rétt áðan sagði að ekki væri hægt að tala um faraldur, enn sem komið er.Ef fólk hefur verið með slæman hósta í vikutíma, sem getur verið blautur hósti með slímlosun eða þurr hósti, þá geta læknar ávísað á lyf við því, en læknarnir vilja gefa flensunni vikutíma áður en lyfjameðferð hefst.