Fjórir í haldi vegna grófs ofbeldis í heimahúsi í Vogum
Fjórir menn sitja í varðhaldi vegna frelsissviptingar og grófs ofbeldis í heimahúsi í Vogum við Vatnsleysuströnd á Suðurnesjum. Friðrik Smári Björgvinsson, yfirlögregluþjónn hjá lögreglunni á höfuðborgarsvæðinu, staðfestir þetta í samtali við DV. Árásin átti sér stað þann 6. ágúst en mennirnir voru handteknir sl. þriðjudag. Mennirnir réðust á 18 ára karlmann og beittu hann grófu líkamlegu ofbeldi. Maðurinn þurfti þó ekki að fara á sjúkrahús.
