Fjordvik dregið til Hafnarfjarðar

Sementsflutningaskipið Fjordvik er núna á leiðinni til Hafnarfjarðar en dráttarbátarnir Jötunn og Magni sóttu skipið til Keflavíkur í morgun.

 

Landfestum Fjordvik var sleppt kl. 08 í morgun og skipið dregið út úr höfninni. Aðgerðin tókst vel og drátturinn gengur vonum framar en Fjordvik er nú dregin á rúmlega 4 sjómílna hraða í Faxaflóa með stefnu á Hafnarfjörð. Áætluð koma skipanna þangað er í hádeginu.

 

Meðfylgjandi myndir voru teknar þegar skipið fór úr höfninni í Keflavík í morgun.

VF-myndir: Hilmar Bragi