Fjölskylduskemmtun og flugeldasýning
Björgunarsveitin Suðurnes heldur fjölskylduskemmtun í kvöld í húsi sínu við Holtsgötu 51 í Reykjanesbæ. Á dagskránni verða ýmis skemmtiatriði og aldrei er að vita nema jólasveinninn kíki í heimsókn með gjafir fyrir börnin. Skemmtuninni lýkur svo með flugeldasýningu í brekkunni við Grænás. Skemmtunin mun standa frá klukkan 20 til 21 í kvöld.
