Fjölskyldukort í sund í Grindavík lækka um 35%
- Hvetja Grindvíkinga til að nýta íþróttaaðstöðu betur
Árskort fullorðinna í sund í Grindavík lækka úr 24.000 krónum í 20.000 krónur, samkvæmt nýrri þjónustugjaldskrá fyrir árið 2016 sem bæjarstjórn hefur samþykkt. Árskort fjölskyldu lækka enn meira, eða úr 46.000 krónum í 30.000 krónur og nemur lækkunin því um 35 prósentum. Á vef Grindavíkurbæjar kemur fram að með lækkuninni sé verið að hvetja Grindvíkinga til þess að nýta sundið og þá þjónustu sem boðið er upp á í íþróttamiðstöðinni betur. Stakt gjald fullorðinna í sund hækkar hins vegar úr 500 krónum 520 krónur.
