Fjölskylduferð á Hafnaberg á sunnudag

Notum góða veðrið, förum fjölskylduferð í Hafnarbergið með Miðstöð símenntunar á Suðurnesjum á sunnudaginn 12. maí kl. 14:00Það virðist ætla að viðra vel til útvistar á sunnudaginn kemur (12. maí). Þá verður Þorvaldur Örn Árnason fararstjóri í göngu á Hafnarberg sem Miðstöð símenntunr á Suðurnesjum býður í og kostar þátttakan ekkert! Nú er fuglinn kominn í bergið og gróður að vakna til lífsins á hinni svörtu eyðimörk. Við gefum okkur góðan tíma til að skoða gróður, grjót og ekki síst fuglinn í berginu og njóta mjög sérstakts útsýnis. Safnast verður saman á bílastæðinu við veginn milli Hafna og Reykjanesvita við upphaf göngustígsins niður á Hafnarberg kl. 14 og þurfa allir að koma þangað á eigin vegum. Þeir sem ekki átta sig á hvar þetta er munu sjá bíla á stæðinu frá kl. 13:45.
Gert er ráð fyrir að við komum til baka á bílastæðið kl. 17.
Það er gott að taka með sér með smá nesti og viðeigandi klæðnað og skó.
Hlakka til að sjá sem flest ykkar.
Skúli Thoroddsen