Fjölmennt slökkvilið sent í kísilverið

Fjölmennt slökkvilið frá Brunavörnum Suðurnesja var sent í kísilver United Silicon laust eftir kl. 13 í dag.

Óhapp varð við ofn verksmiðjunnar þannig að fljótandi kísill flæddi um gólf eftir að leka fór með tappa á ofninum.

Slökkviliðið mætti með a.m.k. tvo tækjabíla og tankbíl á svæðið og fjölmennt lið slökkviliðsmanna.

Lögreglan á Suðurnesjum var einnig kölluð til.

Myndirnar voru teknar á vettvangi nú áðan.