Þriðjudagur 31. maí 2005 kl. 21:56
Fjölmenni á skólaslitum tónlistarskólans

Þétt var setið í Kirkjulundi á skólaslitum tónlistarskóla Reykjanesbæjar í kvöld og þurftu sumir að sitja fram á gangi. Ekki spillti það fyrir því hljómur Strengjasveitar skólans ómaði um alla bygginguna en hún lék í upphafi athafnarinnar.
Nemendur fjölmenntu með foreldrum sínum enda var þeim afhent einkunnir og áfangaprófskírteini.