Fjölgun í Vinnuskóla Reykjanesbæjar
Alls störfuðu 54% ungmenna í Vinnuskóla Reykjanesbæjar árið 2001 sem er um 14% fjölgun frá árinu áður.
Þetta kemur fram í ársskýrslu Vinnuskólans fyrir árið 2001.
Fjölgunin er mest í elstu árgöngunum þ.e. hjá 15 og 16 ára nemendum. Fjöldi nemenda á 14. ári er svipaður og árið áður. Fram kemur í skýrslunni að líklega megi rekja fjölgunina til þess að erfiðara hafi verið fyrir 15 og 16 ára unglinga að fá vinnu á almennum vinnumarkaði á síðasta ári.
Alls fóru 30 milljónir í rekstur Vinnuskólans en þar af er launakostnaður um 25 milljónir króna eða 80%.
Hjá Vinnuskólanum störfuðu 20 flokksstjórar auk tveggja yfirflokksstjóra.
Mjög góð aðsókn var í Skólagarða Reykjanesbæjar og nánast allir garðar nýttir. Fjölgun á milli ára var um 60%. Svipaða sögu er að segja af smíðavellinum en skátarnir sáu um rekstur hans í samvinnu við Vinnuskólann. 106 börn skráðu sig á smíðavöllinn sem er um 70% aukning frá árinu áður. Á smíðavellinum voru 81 strákur og 25 stelpur, en stelpur voru í miklum meirihluta í Skólagörðunum.
Eins og fyrri ár var öryrkjum og ellilífeyrisþegum boðið að fá garða sína slegna endurgjaldslaust. Heildarfjöldi garða var 250 og var hver þeirra sleginn þrisvar. Tíu unglingar auk flokksstjóra unnu við þessi störf í sumar. Almenn ánægja er með þessa þjónustu sem bæjarfélagið veitir, en flest öll sveitarfélög á höfuðborgarsvæðinu innheimta ákveðið gjald fyrir þessa þjónustu.
Vinnuskólinn og Heiðarskóli hafa í vetur unnið að sameiginlegu verkefni sem er starfsnám fyrir unglinga. Vinnuskólinn útvegar vinnustaði fyrir þá unglinga sem eru í þessu námi og greiðir þeim laun fyrir þá vinnu. Þetta er gert í samráði við nemendur og foreldra. Um er að ræða vinnu í allt að 4 klukkustundir á viku samhliða námi. Í vetur eru sex nemendur úr 10. bekk í þessu starfsnámi og hefur það tekist vel.
Þetta kemur fram í ársskýrslu Vinnuskólans fyrir árið 2001.
Fjölgunin er mest í elstu árgöngunum þ.e. hjá 15 og 16 ára nemendum. Fjöldi nemenda á 14. ári er svipaður og árið áður. Fram kemur í skýrslunni að líklega megi rekja fjölgunina til þess að erfiðara hafi verið fyrir 15 og 16 ára unglinga að fá vinnu á almennum vinnumarkaði á síðasta ári.
Alls fóru 30 milljónir í rekstur Vinnuskólans en þar af er launakostnaður um 25 milljónir króna eða 80%.
Hjá Vinnuskólanum störfuðu 20 flokksstjórar auk tveggja yfirflokksstjóra.
Mjög góð aðsókn var í Skólagarða Reykjanesbæjar og nánast allir garðar nýttir. Fjölgun á milli ára var um 60%. Svipaða sögu er að segja af smíðavellinum en skátarnir sáu um rekstur hans í samvinnu við Vinnuskólann. 106 börn skráðu sig á smíðavöllinn sem er um 70% aukning frá árinu áður. Á smíðavellinum voru 81 strákur og 25 stelpur, en stelpur voru í miklum meirihluta í Skólagörðunum.
Eins og fyrri ár var öryrkjum og ellilífeyrisþegum boðið að fá garða sína slegna endurgjaldslaust. Heildarfjöldi garða var 250 og var hver þeirra sleginn þrisvar. Tíu unglingar auk flokksstjóra unnu við þessi störf í sumar. Almenn ánægja er með þessa þjónustu sem bæjarfélagið veitir, en flest öll sveitarfélög á höfuðborgarsvæðinu innheimta ákveðið gjald fyrir þessa þjónustu.
Vinnuskólinn og Heiðarskóli hafa í vetur unnið að sameiginlegu verkefni sem er starfsnám fyrir unglinga. Vinnuskólinn útvegar vinnustaði fyrir þá unglinga sem eru í þessu námi og greiðir þeim laun fyrir þá vinnu. Þetta er gert í samráði við nemendur og foreldra. Um er að ræða vinnu í allt að 4 klukkustundir á viku samhliða námi. Í vetur eru sex nemendur úr 10. bekk í þessu starfsnámi og hefur það tekist vel.
