Fjöldi manns við lokaframkvæmdir á Domino´s

Mikill handagangur var í öskjunni við fyrirhugað húsnæði Domino´s í Reykjanesbæ í dag.

Fjöldi iðnaðarmanna var þar samankominn við að klára lokaáfanga húsnæðisins og virtist framkvæmdin ganga afar vel þótt fjölmennt væri. Þá var bílastæðið í kringum húsið þéttsetið af vöru- og sendiferðabifreiðum af öllum stærðum.

Heimildir Víkurfrétta herma að fyrirhugað sé að opna staðinn eftir helgi, en framkvæmdir hafa staðið frá því í vor. Flatbökufíklar geta því kæst, enda eflaust orðnir langeygir eftir nýja staðnum.
VF-mynd/Þorgils Jónsson