Fjárhagsstaða Sandgerðisbæjar er sterk

Vegna umjöllunar í fjölmiðlun undanfarna daga um slæma skuldastöðu sveitarfélaga, þar á meðal Sandgerðisbæjar, vilja forsvarsmenn Sandgerðisbæjar koma eftirfarandi á framfæri:

„Fjárhagsstaða Sandgerðisbæjar er sterk. Handbært fé sveitarfélagsins er ríflega 1,6 milljarður króna. Hins vegar er ekki hægt að horfa framhjá því að skuldir og skuldbindingar sveitarfélagsins eru umtalsverðar og að bæjarsjóður hefur verið rekinn með halla undanfarin ár. Það er eitt af forgangsverkefnum nýrrar bæjarstjórnar að taka á þessari stöðu. Meðal þess sem verið er að skoða eru niðurgreiðslur lána og aukið hagræði í rekstri.

Sandgerðisbæ hefur borist erindi frá eftirlitsnefnd sveitarfélaga vegna skuldastöðu bæjarins og verður það erindi tekið fyrir á fundi bæjarstjórnar í næstu viku.“

Undir þetta skrifar Sigrún Árnadóttir, bæjarstjóri í Sandgerði.