Fimm umferðaróhöpp á einum degi

Fimm minniháttar umferðaróhöpp komu til kasta lögreglunnar í Keflavík í gær.
Í einu tilfellinu var bifreið ekið aftan á kerru á Reykjanesbraut og á Sandgerðisvegi var bifreið ekið á grjót á götunni.

Þá var tilkynnt um rúðubrot í húsi Rauða Krossins við Smiðjuvelli og einnig hafði lögreglan afskipti af unglingum sem voru með skotelda sem þeir höfðu ekki aldur til að kaupa.