Festi auglýst til sölu

Bæjarráð Grindavíkur hefur samþykkt fyrir hönd Grindavíkurbæjar að lagt verði til á fundi Víkurbrautar 58 ehf. að fasteignin Víkurbraut 58 í Grindavík, félagsheimilið Festi, verði auglýst til sölu að uppfylltum ákveðnum skilyrðum. Hefur bæjarstjóra verið falið asð boða til hluthafafundar nk. fimmtudag vegna málsins.

Í kjölfar auglýsingar verði stjórn félagsins Víkurbraut 58 ehf. heimilt að ganga til samningaviðræðna við áhugasama aðila.

Félagsheimilið Festi í Grindavík hefur ekki verið í nothæfu ástandi síðustu misseri og m.a. hefur verið klætt fyrir alla glugga á húsinu. Stórar hugmyndir hafa verið settar fram um framtíðarnýtingu á Festis-lóðinni.


Myndir: Að ofan er Festi eins og það lítur út í dag. Litla myndin er af einni af þeim hugmyndum sem komið hafa fram um byggingu á Festis-lóðinni.