Ferðaðist á stolnu vegabréfi

Erlendur karlmaður var færður á lögreglustöð í Keflavík í gær eftir að upp komst að hann ferðaðist á stolnu og breytifölsuðu vegabréfi.

Maðurinn var að innrita sig í flug til Toronto í Kanada, þegar lögreglumenn höfðu afskipti af honum. Hann var þá nýkominn frá Osló. Hann framvísaði grísku vegabréfi og kvaðst vera á leið til Kanada til að heimsækja bróður sinn.

Lögregla ákvað að kanna skilríki hans nánar og kom þá í ljós að ekki var allt sem skyldi í þeim efnum.