Fasteignamarkaður: Tíu kaupsamningar í júní

Aðeins 10 fasteignakaupsamningum var þinglýst í Reykjanesbæ allan júnímánuð, samkvæmt tölum Fasteignaskrár ríkisins. Þar af voru sjö samningar um eignir í fjölbýli og þrír samningar um eignir í sérbýli. Heildarveltan var 232 milljónir króna og meðalupphæð á samning 23,2 milljónir króna.

Á sama tíma var 23 samningum þinglýst á Akureyri, 14 á Árborgarsvæðinu og fjórum á Akranesi. Á höfuðborgarsvæðinu var 166 kaupsamningum þinglýst á sama tímabili.