Fasteignamarkaður: Níu kaupsamningar í fjórðu viku

Níu kaupsamningum um fasteignir var þinglýst á Suðurnesjum síðustu vikuna í febrúar. Þar af voru sjö samningar um eignir í fjölbýli, einn samningur um sérbýli og einn samningur um annars konar eignir en íbúðarhúsnæði. Heildarveltan var 198 milljónir króna og meðalupphæð á samning 22 milljónir króna.

Á sama tíma var þremur kaupsamningum þinglýst á Akureyri, tveimur á Árborgarsvæðinu og 35 á höfuðborgarsvæðinu.

Þetta kemur fram í yfirliti frá Fasteignaskrá Íslands.