Fartölvu og 100.000 krónum stolið í innbroti

Snemma í gærmorgun var tilkynnt um innbrot í Efnalaug Suðurnesja að Iðavöllum í Reykjanesbæ.

Innbrotsþjófar höfðu spennt upp glugga og numið brott fartölvu og um 100.000 kr í peningum. Ekki er vitað hverjir voru að verki en rannsókn stendur yfir.

Þá kærði lögregla tvo ökumenn fyrir of hraðan akstur í gærkvöldi. Annar var mældur á 102 km hraða þar sem leyfður hraði er 70 og hinn á 112 km hraða þar sem leyfður hraði er 90 km.