Farþega gefið súrefni fyrir lendinu

Einum farþega skandinavísku SAS vélarinnar sem nauðlenti í Keflavík í nótt var gefið súrefni fyrir lendingu. Annars var ástandið um borð í vélinni gott og lendingin gekk vel. SAS vélin var á leið frá Washington í Bandaríkjunum til Kaupmannahafnar í Danmörku þegar olíuleiki kom upp í örðum hreyfli vélarinnar. Þegar SAS þotan þotan átti um 38 mínútna flug til Keflavíkur var slökkt á hreyflinum. Þetta kemur fram á sænskum netmiðlum í dag.Flugmenn eru þjálfaðir til að fljúga vélum á öðrum hreyfli og það er í raun ekkert vandamál. Hættan er þó alltaf sú að bilum komi upp í hinum hreyflinum og þá er ástandið alvarlegt.
Mikill viðbúnaður var í Keflavík í nótt, slökkviliðsbílar og björgunarbílar biðu vélarinnar en lendingin gekk mjög vel.
Öllum farþegum, nema fjórum, var komið á aðrar vélar á leið til Evrópu.
SAS þotan er hins vegar ennþá í Keflavík og ekki er vitað hversu alvarleg bilunin er og hvort skipta þarf um hreyfil eða hvort hægt er að gera við bilaða mótorinn hér.