Falleg aðkoma að nýrri íþróttamiðstöð

Ný og glæsileg íþróttamiðstöð í Grindavík verður líklega opnuð í febrúar en nokkur seinkun hefur orðið á framkvæmdunum. Búið er að hanna torg við íþróttamiðstöðina en farið verður í þær framkvæmdir með vorinu og verður torgið væntanlega tilbúið næsta sumar, segir á vef Grindavíkurbæjar. Meginmarkmið hönnunar á torginu eru að skapa aðlaðandi og fjölnota aðkomu að nýrri íþróttamiðstöð Grindavíkur.  

Lögð er áhersla á að svæðið sé létt í viðhaldi og aðgengilegt öllum. Því er aðkoma íþróttamiðstövarinnar nánast öll hellulögð með smáum áferðarfallegum hellum. Hellumynstrið er brotið upp með söguðum náttúrusteinum sem marka stefnu og gönguleiðir.

Nánar hér.