Fáki kynningarstjóra Reykjanesbæjar stolið

Hjólfáki einum fráum, rauðum og gráum, var stolið frá kynningarstjóra Reykjanesbæjar um helgina. Fákurinn er eins og fyrr segir rautt og grátt karlmannshjól af Schwinn-gerð.

Hjólið hefur mikla reynslu af því að vera stolið (þar sem því hefur áður verið stolið). Dagný Gísladóttir, kynningarstjóri, segist greinilega bera alltof mikið traust til samfélagsins og samborgara sinna og er ekki dugleg að læsa hjólinu. Allar ábendingar vel þegnar í síma 862 2208.

Mynd: Dagný Gísladóttir, kynningarstjóri Reykjanesbæjar, þarf nú að fara allra sinna ferða gangandi eftir að reiðhjólinu hennar var stolið um helgina.