Fær ekki að byggja frístundahús í Leiru

Skipulags- og bygginganefnd Sveitarfélagsins Garðs hefur hafnað því að byggt verði frístundahús í Leiru.

Christoph Kalthoff frá Danmörku sendi nefndinni fyrirspurn hvort leyft yrði að reisa 58 fermetra frístundahús í landi Litla Hólms í Garði.
 
Í nýju aðalskipulagi sveitarfélagsins Garðs er ekki gert ráð fyrir byggingu íbúðar- eða frístundahúsnæðis á þessu svæði og því var erindinu hafnað.