Erfið færð í Reykjanesbæ - verið heima!

Gríðarlega erfið færð er innanbæjar í Reykjanesbæ eins og hefur lögreglan á Suðurnesjum bent fólki á fólksbílum á að vera ekki á ferðinni.

Eitthvað er um að ökumenn séu að festa bifreiðar í sköflum og er umferð mjög þung sökum þess, sérstaklega í efri hverfum eins og Ásbrú.

Öll snjóruðningstæki eru á ferðinni á svæðinu en erfitt er að ryðja þar sem mikið skefur.

„Þessi Víðir er víst farinn að láta til sín taka í veðrinu líka, hlýðum Víði og verum heima,“ segir í tilkynningu lögreglunnar.

Allar frekari upplýsingar um færð er að finna á vef Vegagerðarinnar.

Páll Ketilsson tók þessar myndir nú síðdegis.