Enn frekari uppsagnir hjá varnarliðinu

Rúmlega 20 starfmönnum varnarliðsins á Keflavíkurflugvelli verður sagt upp störfum frá og með næstu mánaðarmótum samkvæmt heimildum Víkurfrétta.

Friðþór Eydal, upplýsingafulltrúi varnarliðsins, staðfesti að samráð væri hafið við stéttarfélögin á svæðinu um þessi mál.

„Ef til uppsagna kemur verður viðkomandi aðilum send uppsagnarbréf í lok mánaðarins“, sagði Friðþór í samtali við Víkurfréttir.

Með þessum uppsögnum eru þeir sem sagt hefur verið upp störfum hjá varnarliðinu komnir vel á annað hundrað síðan í október síðastlinum.