Enn fjölgar gistinóttum ferðamanna
8% aukning milli ára
Á Suðurnesjum voru 9.200 gistinætur á hótelum í júní sem er um 8% aukning miðað við júní 2012. Gistinætur á hótelum í júní á landsvísu voru 239.800 og fjölgaði um 15% frá júní í fyrra. Gistinætur erlendra gesta voru tæplega 88% af heildarfjölda gistinátta í mánuðinum en þeim fjölgaði um 17% frá sama tíma í fyrra. Gistinóttum Íslendinga fjölgaði um 5%.
