Enn er kveikt í
– lögreglan leitar að brennuvargi á Suðurnesjum.
Slökkvilið Brunavarna Suðurnesja hefur aftur verið kallað út í gömlu sprengjugeymslurnar á Patterson við Hafnaveg. Þar hefur hefur aftur verið kveikt í rusli inni í einu af byrgjunum á svæðinu.
Brennuvargur gengur laus á Suðurnesjum en snemma í morgun var kveikt í byggingu á Ásbrú og á áttunda tímanum var eldur borinn að rusli í byrgi á Patterson. Greiðlega gekk að slökkva eldinn.
Lögreglan á Suðurnesjum rannsakar málin og hvetur þá sem búa yfir upplýsingum að hafa samband.
