Enginn málefnalegur ágreiningur milli L- og N-lista

Jóhannes S. Guðmundsson, stjórnarmaður í L-listanum í Garði, hafði samband við Víkurfréttir og vildi koma eftirfarandi á framfæri vegna þess að í dag tekur nýr meirihluti við í bæjarstjórn Sveitarfélagsins Garðs.

„Það er rétt að enginn málefnalegur ágreiningur var á mili N- og L-lista og stjórn L-listans tók ekki þátt í þessum viðræðum. Það var eingöngu bæjarfulltrúi L-listans.

N-listinn og stjórn L-listans bauð D-listanum í tví- eða þrígang upp á breiða sátt en þeir höfnuðu því.

Hvað varðar ábyrgð fráfarandi stjórnar N- og L-lista á starfslokasamningi Ásmundar Friðrikssonar, þá bera þeir ábyrgðina sem smíðuðu samninginn á sínum tíma. Ef samningur Oddnýjar hefði verið heimfærður upp á Ásmund þá hefði verið þriggja mánuða uppsagnarfrestur ef bæjarstjórinn hefði sagt upp,  annars sex mánuðir ef að bæjarstjóranum væri sagt upp,“ segir Jóhannes S. Guðmundsson.