Engin slys á fólki í Grindavík

Verksmiðjustjóri fiskimjölsverksmiðjunnar í Grindavík hefur staðfest við Víkurfréttir að engin slys hafi orðið á fólki í stórbrunanum sem geysar í húsinu.

Húsið logar nú stafna á milli og eru slökkviliðsmenn að berjast við eldinn á þremur stöðum. Allt tiltækt slökkvilið á Suðurnesjum hefur verið kallað út, en þetta er í þriðja skiptið sem húsið brennur. Síðast kom upp mikill eldur í húsinu í kringum 1960.

VF-myndir: 1 og 2/Þorsteinn Kristjánsson af vettvangi

3: Séð yfir Reykjanesið frá Njarðvík. Reyk leggur yfir Þorbjörn/Hilmar Bragi