Engin innbrot um helgina

Lögreglan á Suðurnesjum segir helgina hafa verið með rólegasta móti og enn hafi engar tilkynningar um innbrot komið inn á borð til þeirra.

Þetta verður að teljast gleðiefni því algengt hefur verið að þjófar láti greipar sópa um þessa vinsælu ferðahelgi á meðan fjöldi fólks bregður sér út fyrir bæjarmörkin. Eins var skemmtanahald með rólegasta móti og allt fór vel fram eftir því sem best er vitað.