Engin banaslys í umferðinni

Ekkert banaslys varð í umferðinni í umdæmi lögreglunnar á Suðurnesjum á árinu 2011 og má eflaust þakka það stöðugum umbótum á umferðarmannvirkjum fyrst og fremst, en greinileg þróun í átt að fækkun umferðslysa hefur orðið frá tvöföldun Reykjanesbrautar. Þetta kemur fram í ársskýrslu lögregluembættisins.

Allnokkur fjöldi umferðarslysa, vinnuslysa og frítímaslysa varð að venju en aðeins eitt banaslys. Grænlenskur sjómaður drukknaði þegar hann tók út af grænlensku fiskiskipi þann 27. febrúar.  Skipið var að veiðum í Faxaflóa þegar slysið varð og kom til hafnar í Helguvík.