Eltingarleikur á Reykjanesbraut

Lögreglumenn úr Keflavík veittu bifreið sem mæld var á 113 km. hraða á Reykjanesbraut eftirför í gærkvöldi, en grunur kom upp um fíkniefnamisferli. Ökumaður sinnti ekki merkjum lögreglu um að stöðva, en lögreglumenn náðu að stöðva bifreiðina eftir nokkurn eltingarleik. Við leit í bifreiðinni fundust 3 gr. Af hassi á ökumanni bifreiðarinnar sem er 18 ára gamall. Í bifreiðinni voru þrír farþegar, 25 ára gamall maður, 16 ára stúlka og 16 ára drengur og haft var samband við foreldra yngstu farþeganna.