Eldur í útvegg við Grjótás

Eldur kom upp í klæðningu á útvegg einbýlishúss við Grjótás í Reykjanesbæ á áttunda tímanum á þriðjudagskvöld. Slökkvilið Brunavarna Suðurnesja og lögreglumenn fóru á vettvang.

 

Þegar slökkvilið kom á vettvang var farið að rjúka úr þakskeggi hússins og eldur var innan við klæðningu á útvegg. Eldurinn var fljótlega slökktur en rjúfa þurfti gat á vegg til að komast að glóð.

 

Eldsupptök eru til rannsóknar hjá rannsóknardeild lögreglunnar á Suðurnesjum.