Eldur í ónýtri rútu í Helguvík

Tilkynnt var til lögreglu að vörubifreið hafi verið ekið eftir Reykjanesbraut áleiðis til Keflavíkur og hafi jarðvegur fokið af palli hennar og yfir bifreið sem ekið var í gagnstæða átt.  Ekki er vitað hvaða vörubifreið á hlut að máli en töluverðar lakkskemmdir urðu á bifreiðinni.  Nokkuð hefur borið á því að vörubifreiðastjórar gangi ekki nægjanlega vel frá farmi og noti ekki yfirbreiðslur.  Vörubifreiðastjórar verða að taka sig á í þessum efnum að sögn lögreglu.

Þá voru tveir ökumenn voru kærðir fyrir of hraðan akstur á Reykjanesbraut. Mældist sá sem hraðar ók vera á 125 km. hraða þar sem leyfður hámarkshraði er 90 km.

Einn ökumaður var kærður fyrir að vera með útrunnin ökuréttindi og einn var kærður fyrir stöðvunarskyldubrot.

Klukkan fjögur í nótt var slökkviliðið kallað að Helguvík en þar var eldur í ónýtri rútu á ruslahaug. Slökkti slökkviliðið eldinn og varð ekki tjón af.

Vf-mynd úr safni