Eldur í mosa við Nesveg

Slökkvilið Grindavíkur var kallað út skömmu eftir hádegi í dag þar sem kviknað hafði í mosa í hrauninu norðan við Nesveg, um 200 metra frá veginum til móts við afleggjara niður í Bót.

Greiðlega gekk að slökkva eldinn þar sem að slökkviliðið gat lagt slöngur yfir hraunið og að eldinum. Talið er að um 100 fermetra flötur hafi brunnið.

Ekki er kunnugt um eldsupptök en mosinn í hrauninu er mjög þurr og því þarf mjög lítið til að koma bruna af stað.

Myndir Bjarni Már Svavarsson