Eldur i húsbíl

Eldur kom upp í húsbíl á tjaldsvæðinu í Garði um þrjúleytið í nótt. Nokkrir húsbílafélagar voru þar saman komnir.  Eigendurnir, sem voru í næsta húsbíl þegar eldurinn kom upp, náðu að slökkva eldinn en maðurinn brenndist nokkuð á höndum við það og konan fékk snert af reykeitrun.  Lögreglan á Suðurnesjum flutti þau á Heilbrigðisstofnun Suðurnesja til aðhlynningar.  Ekki er vitað um eldsupptök en lögreglan fer með rannsókn málsins.  Húsbíllinn er mjög mikið skemmdur og allt brunnið inni í bílnum.

Mynd úr safni