Eldur í hamsatólg

Kalla þurfti til slökkvilið þegar eldur kom upp í heimahúsi í Keflavík um fimmleytið í dag. Eldur kom upp í hamsatólg en húsráðendur voru að elda saltfisk og ætluðu að hafa sjóðheita hamsatólg með soðningunni. Reykræsta þurfti íbúðina sem stendur við Hringbraut en engan sakaði. Minniháttar skemmdir eru af völdum reyks og sóts.
Að sögn Sigmundar Eyþórssonar slökkviliðsstjóa brugðust húsráðendur rétt við og köstuðu eldvarnarteppi yfir logandi tólgina.