Eldur í gömlu varðskýli
Tilkynnt var um eld í gömlu varðskýli frá tímum varnarliðsins skammt frá flugvallargirðingu Keflavíkurflugvallar við Hafnaveg í morgun.
Slökkvilið Brunavarna Suðurnesja var kallað út ásamt lögreglu. Slökkviliðsmenn voru fljótir að ráða niðurlögum eldsins sem var í rusli inni í skýlinu.
Telja verður víst að um íkveikju hafi verið að ræða. 
