Eldur í eldhúsi Bláa Lónsins

Tilkynnt var um eld í eldhúsi Bláa Lónsins rétt fyrir klukkan tíu í morgun. Þegar slökkvilið og lögregla komu á vettvang var búið að slökkva eldinn, en töluverðan reyk lagði frá eldhúsinu. Talið er að eldurinn hafi komið upp í þvotti í þvottakörfu en starfsfólk Bláa Lónsins náði að ráða niðurlögum eldsins áður en hann náði að dreifa sér.Reykræsta þurfti eldhúsið og urðu töluverðar skemmdir af völdum sóts.