Eldur borinn að bíl við fiskhjalla í Garðinum í kvöld

Mikill eldur logaði í bifreið við fiskihjalla ofan byggðarinnar í Garði í kvöld. Slökkvilið Brunavarna Suðurnesja var kallað út í eldinn, en svo virðist sem eldur hafi verið borinn að óskráðri bifreið við hjallana.Bíllinn er gjörónýtur og stórt svæði umhverfis bílinn, sem er Lada Samara 1500, er sviðið. Slökkviliðsmenn voru fljótir að slökkva eldinn. Lögregla fer með rannsókn málsins.

Myndin: Frá slökkvistarfi í kvöld. VF-mynd: Hilmar Bragi Bárðarson