Eldur blossaði upp í gasgrilli

Ekki mátti miklu muna að illa færi, þegar eldur blossaði upp í nýlegu gasgrilli við húsnæði í umdæmi lögreglunnar á Suðurnesjum um helgina. Þarna átti að elda kvöldmatinn á grillinu sem stóð á tréverönd aftan við húsnæðið, en eftir að gaskútur hafði verið tengdur við grillið og kveikt á því kom upp mikill eldur í því. Slökkvilið var kallað á staðinn, en eldurinn hafði verið slökktur með duftslökkvitæki þegar það kom á vettvang. Grillið eyðilagðist í brunanum.