Eldingaveður á Suðurnesjum (myndir)

Þó nokkrar eldingar hafa lýst upp himininn á Suðurnesjum síðustu klukkustundina. Hraustlegar þrumur hafa fylgt í kjölfarið og a.m.k. ein svo öflug að byggingar hreinlega nötruðu.

Ljósmyndari Víkurfrétta fangaði einn blossa á mynd nú fyrir fáeinum mínútum og eins og sjá má á meðfylgjandi mynd sem er samsett og sýnir sama sjónarhornið með fáeinum sekúndubrotum á milli, þá lýsir eldingin upp stórt svæði.

Hér er einnig video í WMV-formi sem sýnir eldingu og hvaða áhrif hún virðist hafa á ljós í umhverfinu. Smellið hér til að skoða video.

Víkurfréttamyndir: Hilmar Bragi Bárðarson