Ekki lofthræddur málari á Garðskaga

Málari sem var við störf í Garðskagavita í dag getur varla talist lofthræddur. Hann var standandi uppi á ljóshúsinu í vitanum í ca. 28 metra hæð þar sem hann var að mála með appelsínugulum lit.
Vitinn á Garðskaga hefur síðustu daga verið málaður að innan, auk þess sem ljóshúsið hefur verið málað.

Eins og sjá má á myndunum er málarinn uppi á ljóshúsinu að mála með sinni appelsínugulu málningu. Á neðri myndinni sést vel hversu hátt uppi málarinn er.

Víkurfréttamyndir: Hilmar Bragi Bárðarson