Ekkert flug vegna veðurs

Allt flug um Keflavíkurflugvöll liggur nú niðri vegna veðurs. Sex flugvélar áttu að fara frá landinu til Evrópuborga í morgun en ferðum þeirra var frestað og verður athugað með þær klukkan níu.

Tvær flugvélar komu hingað til lands frá Bandaríkjunum í nótt en þar sem Keflavíkurflugvöllur var lokaður lenti flugvél sem var að koma frá Boston í Reykjavík en flugvél sem var að koma frá New York lenti á Egilsstöðum um klukkan hálf átta í morgun.

Engar flugvélar eru væntanlegar hingað til lands á næstu klukkutímum, segir í samantekt mbl.is

Mynd: Frá Reykjanesbæ í morgun.