Ekið á þrjár bifreiðar og stungið af
Þreyttur ferðalangur ók á ljósastaur
Sjö umferðaróhöpp voru skráð í umdæmi lögreglunnar á Suðurnesjum í vikunni. Ferðamaður bakkaði bílaleigubíl á mannlausa bifreið við Flugstöð Leifs Eiríkssonar og annar ók á ljósastaur á bifreiðastæðinu fyrir komufarþega. Kvaðst sá síðarnefndi hafa verið að koma þreyttur úr löngu flugi og hreinlega ekki séð staurinn.
Þá tók átján ára piltur heimilisbifreiðina í leyfisleysi og ók utan í kyrrstæða, mannlausa bifreið. Pilturinn er ekki með ökuréttindi.
Loks var ekið á þrjár bifreiðar og létu þeir sem það gerðu sig hverfa af vettvangi án þess að gera vart við sig.
Lögregla rannsakar málin.
