Einn á sjúkrahús eftir harðan árekstur í Garði

Einn var fluttur með sjúkrabíl á Heilbrigðisstofnun Suðurnesja til skoðunar eftir harðan árekstur á Garðbraut í Garði nú undir kvöld. Þar var bifreið ekið á aðra kyrrstæða svo af hlaust töluvert tjón.

Lögreglan og sjúkrabíll komu fljótlega á vettvang en slökkvilið Brunavarna Suðurnesja þurfti einnig að senda mannskap á bifreið til að hreinsa upp olíu sem lak niður á vettvangi árekstursins.

Samkvæmt upplýsingum Víkurfrétta urðu ekki alvarleg meiðsli í árekstrinum.

VF-myndir: Hilmar Bragi Bárðarson