Drunur frá Eyjafjallajökli heyrast á Suðurnesjum

Drunur, sem taldar eru koma alla leið frá Eyjafjallajökli, hafa heyrst á Suðurnesjum í nótt og í morgun. Tilkynningar hafa borist til almannavarna um drunur frá nokkrum stöðum á landinu.

Veðurstofan telur drunurnar líklega koma frá Eyjafjallajökli og berast svona langt vegna veðurskilyrða og raka í andrúmsloftinu. Verið er að kanna málið frekar.

Eyjafjallajökull með sitt tignarlega eldgos á dögunum.

Víkurfréttamynd: Ellert Grétarsson