Dragnótaráðstefna í Reykjanesbæ

 

Einar Guðfinnson, sjávarútvegsráðherra, setti í morgun alþjóðlega ráðstefnu dragnótaveiðimanna sem fram fer í Fjölbrautaskóla Suðurnesja. Góð þátttaka er á ráðstefnunni sem stendur yfir í tvo daga. Þátttakendur eru frá löndum sem liggja að Norður-Atlandshafinu en tveir þeirra koma reyndar alla leið frá Namibíu.

 

Á ráðstefnunni eru fluttir margir fróðlegir fyrirlestrar um dragnótaveiðar og ýmislegt tengt þeim, s.s. um veiðarfæri, vinnslu, veiðiaðferðir og fleira.

Síðdegis í dag býður Reykjanesbær ráðstefnugestum til samsætis í Duushúsum þar sem þeir munu einnig skoða bátasafn Gríms.

VF-mynd/elg