Dagskrá Sólseturshátíðar hefst í dag
Þó hin árlega Sólseturshátíð í Garði verði ekki sett formlega fyrr en á morgun hefst vegleg dagskrá strax í dag með uppákomum við sjoppuna, flaggað verður við hús í bænum, reiðhjólaferð farin frá Sparisjóðnum (kl. 16) út á Garðskaga þar sem boðið verður upp á grillaðar pylsur og gos auk þess sem diskótek verður haldið í Gerðaskóla í kvöld.
Umhverfisnefnd bæjarins hvetur bæjarbúa til að snytra vel í kringum hús sín og jafnvel skreyta þau eins og margir hafa þegar gert. Minnt er á að hægt er að losa sig við gras frá slætti til uppgræðslu í heiðinni ofan Heiðarbrautar en einnig er hægt að fara með rusl og garðaúrgang í Kölku, almenningi að kostnaðarlausu.
