Byggja flóttamannabúðir við Sólbrekkur í dag
- aðstæður flóttamannabarna verða endurskapaðar með íslenskum börnum.
UNICEF - Barnahjálp Sameinuðu þjóðanna - óskar eftir sjálfboðaliðum til að hjálpa við heldur óvenjulegt verkefni í dag, föstudag. Nú á að fara að taka upp stóra auglýsingu þar sem aðstæður flóttamannabarna verða endurskapaðar með íslenskum börnum. True North framleiðir auglýsinguna og gefur vinnu sína og þurfa nauðsynlega aðstoð í dag við að setja upp leikmyndina, smíða og handlanga.
Staðsetningin er mótorkrossbrautin í Sólbrekku við Reykjanesbraut. Mæting upp úr kl.09:00 og unnið fram eftir degi.
„Við yrðum ólýsanlega þakklát ef einhverjir gætu tekið sig saman og hjálpað til, þó ekki væri nema í nokkra klukkutíma,“ segir í tilkynninu frá UNICEF. Allar frekari upplýsingar gefur Sólveig, kynningarfulltrúi UNICEF, í síma 861 1592.
