Byggja 4 til 6 íbúðir við Víðihlíð í Grindavík

Bæjarráð Grindavíkur hefur samþykkt að skipa verkefnishóp sem hafi það verkefni að leggja fram tillögu og hönnun 4-6 íbúða viðbyggingu við Víðihlíð.

Á næsta fundi bæjarráðs Grindavíkurbæjar verður verkefni nefndarinnar skilgreint og fulltrúar tilnefndir. Í hópnum verði tveir fulltrúar meirihluta, einn fulltrúi minnihluta, einn fulltrúi eldri borgara og einn fulltrúi starfsmanna Miðgarðs. Skipaður verður verkefnisstjóri með hópnum og ráðstafað fjárheimildum til greiðslu nefndarlauna og hönnunar.