Búmenn byggi þjónustukjarna í Garði

Fulltrúar Búmanna og Sveitarfélagsins Garðs ræddust við í síðustu viku um uppbyggingu þjónustukjarna og íbúða fyrir aldraða í Garði.

Stefnt er að því að þessi kjarni verði byggður í nágrenni hjúkrunarheimilisins Garðvangs.

Í Garði eru áhugi fyrir því að tengja frekar saman þá uppbyggingu sem er fyrirhuguð á svæðinu við Garðvang og núverandi byggð búmanna norðan við íþróttasvæðið í Garði.

Bæjarráð samþykkti að halda áfram viðræðum við Búmenn um málið.

Mynd: Séð yfir Búmannabyggðina í Garði. Garðvangur fjær og nýlegar íbúðir aldraðra þar.